വാർഷികാഘോഷം 2019

അരിക്കാട് ഗവൺമെന്റ് എൽപി സ്കൂളിലെ വാർഷികാഘോഷ പരിപാടികൾ ബഹുമാനപ്പെട്ട തൃത്താല MLA ശ്രീ.വി.ടി ബൽറാം ഉദ്ഘാടനം ചെയ്തു. ബ്ലോക്ക് പഞ്ചായത്ത് മെമ്പർ ശ്രീ.പി.ബാലകൃഷ്ണൻ അധ്യക്ഷനായ ചടങ്ങിൽAEO ശ്രീ സിദ്ദിഖ് സാർ, വാർഡ് മെമ്പർ ശ്രീ.കെ.ശശിധരൻ, പഞ്ചായത്തംഗം ശ്രീമതി KPരാധ, ശ്രീ.അബ്ദുള്ളക്കുട്ടി, PTA, SMC അംഗങ്ങൾ തുടങ്ങിയവർ പങ്കെടുത്തു. അരിക്കാട് സ്കൂളിലെ ആദ്യകാല അധ്യാപികയായ ശ്രീമതി ജ്യോതി ടീച്ചറെ MLA ശ്രീ.വി ടി ബൽറാം പൊന്നാടയിട്ട് ആദരിച്ചു.സ്കൂൾ മാഗസിൻ അക്ഷരപ്പൂക്കൾ MLA സ്കൂൾ ലീഡർക്കു നൽകി പ്രകാശനം നിർവഹിച്ചു. ബഹുമാനപ്പെട്ട MLA യുടെ അമ്മയുടെ പേരിലുള്ള എൻഡോവ്മെന്റ് നാലാം ക്ലാസിൽ മികച്ച വിജയം കരസ്ഥമാക്കിയവർക്ക് നൽകി. ഓരോ ക്ലാസിലും മികച്ച വിജയം കൈവരിച്ചവർക്കുള്ള ട്രോഫിയും നൽകി. പഞ്ചവാദ്യകലാകാരൻ ശ്രീ.സുരേഷ് ആലങ്കോടിനുള്ള ട്രോഫിയും പൊന്നാടയും AE0 ശ്രീ.സിദ്ദിഖ് സാർ സമ്മാനിച്ചു.അതിനു ശേഷം ശ്രീ .സുരേഷ് ആലങ്കോടിന്റെ നേതൃത്വത്തിൽ ഇരുപതോളം കലാകാരൻമാരെ പങ്കെടുപ്പിച്ചു കൊണ്ടുള്ള പഞ്ചവാദ്യം അരങ്ങേറി.  നമ്മുടെ സ്കൂളിലെ ഒന്നാം ക്ലാസുകാരായ ശ്രീരാഗും ശ്രീ ഹർഷും എല്ലാവരുടേയും പ്രത്യേക ശ്രദ്ധ പിടിച്ചുപറ്റി.അതിനു ശേഷം സമീപത്തെ ബാലവാടികളിൽ നിന്നുള്ള കുട്ടികൾ അവതരിപ്പിച്ച വിവിധ പരിപാടികൾ അരങ്ങേറി.പിന്നീട് സ്കൂളിലെ കുട്ടികളും, പൂർവ്വ വിദ്യാർത്ഥികളും അവതരിപ്പിച്ച വിവിധ പരിപാടികളും ഉണ്ടായി. നാലു മണിക്ക് സമാപന സമ്മേളനം ബഹു. പട്ടിത്തറ പഞ്ചായത്ത് പ്രസിഡന്റ് ശ്രീമതി. V സുജാത ഉദ്ഘാടനം നിർവഹിച്ചു.വാർഡ് മെമ്പർ അധ്യക്ഷനായ ചടങ്ങിൽBRC ട്രെയിനർ ശ്രീ.രാധാകൃഷ്ണൻ മാസ്റ്റർ, SSG, SMC അംഗങ്ങൾ തുടങ്ങിയവർ സംസാരിച്ചു. സ്വാഗത സംഘം പ്രസിഡന്റ് ശ്രീ ശ്രീകുമാരമേനോൻ സ്വാഗതവും, HM ശ്രീമതി Pഗീത ടീച്ചർ നന്ദിയും പറഞ്ഞു. പരിപാടികളിൽ പങ്കെടുത്ത എല്ലാവർക്കും ട്രോഫികൾ നൽകി.








അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

പക്ഷിനിരീക്ഷണം - ഫീൽഡ് ട്രിപ്പ്

ഇമേജ്
പക്ഷിനിരീക്ഷണ ദിനത്തോടനുബന്ധിച്ച് അരിക്കാട് എൽപി സ്കൂളിലെ കുട്ടികൾ ചുറ്റുപാടുമുള്ള പക്ഷികളെ കണ്ടും കേട്ടും മനസിലാക്കി. വൈകുന്നേരം 4 മണി മുതൽ 6 മണി വരെയാണ് അധ്യാപകർ ഫീൽഡ് ട്രിപ്പ് ആസൂത്രണം ചെയ്തത്. മിക്കവാറും 1 എല്ലാ കുട്ടികളും ഇതിൽ പങ്കെടുത്തു. ലഘുഭക്ഷണത്തിനു ശേഷം 4 മണിക്കു തന്നെ നിരീക്ഷണ നടത്തം ആരംഭിച്ചു. പക്ഷി നിരീക്ഷകരായ ശ്രീ അരുൺ ബി. ശ്രീ ഷാജി അരിക്കാട് എന്നിവർ യാത്രക്ക് നേതൃത്വം നൽകി. ചുറ്റും മരങ്ങൾ നിറഞ്ഞ ഇടവഴിയിലൂടെയായിരുന്നു നടത്തം. നടത്തത്തിനിടയിൽ ധാരാളം കിളികളുടെ ഒച്ചകൾ കേട്ടു .ഓലേഞ്ഞാലി, നാട്ടുബുൾബുൾ ,കരിയിലക്കിളി എന്നീ സാധാരണ പക്ഷികളെ ധാരാളം കണ്ടു. അതിനിടയിൽ ഒച്ചയുണ്ടാക്കി ഒരു കാടു മുഴക്കി പറന്നു. കുട്ടികൾക്ക് ആ പക്ഷിയെ പരിചയമുള്ളത് കത്രിക പക്ഷി എന്ന പേരിലാണ്. അതിന്റെ വാൽ കത്രിക പോലെയാണ് കാണപ്പെടുന്നത്.ഈ കത്രിക വാലുള്ള കാടു മുഴക്കിയെ മിമിക്രിക്കാരൻ പക്ഷി എന്നും പറയാറുണ്ട്. അമ്പതോളം പക്ഷികളെ ഇതിന് അനുകരിക്കാൻ കഴിയും. ഒരിക്കൽ പശുവിന്റെ ശബ്ദം അനുകരിക്കാൻ ശ്രമിച്ച് വാല് ചിതലുവന്ന് കത്രിക വാലായ കഥ ശ്രീ.ഷാജി അരിക്കാട് കൂട്ടിച്ചേർത്തു. നടത്തത്തിനൊടുക്കം എത്തിയത് വലിയൊരു  പാ...
കൂടുതൽ‍ വായിക്കൂ

പഠനോത്സവം - 2019

ഇമേജ്
അരിക്കാട് ഗവൺമെന്റ് എൽപി സ്കൂളിൽ പഠനോത്സവം ഫെബ്രുവരി 8 ന് ഉത്സവമായി നടന്നു.പOനോത്സവത്തിന് മുന്നോടിയായി കുട്ടികളും അധ്യാപകരും റോഡ് ഷോ നടത്തുകയും പാട്ടു പാടിയും നോട്ടീസ് നൽകിയും കൂടുതൽ നാട്ടുകാരെ പഠനോത്സവത്തിലേക്ക് ക്ഷണിച്ചു. രാവിലെ തന്നെ ആരംഭിച്ച പoനോത്സവം പഞ്ചായത്ത് പ്രസിഡന്റ് ശ്രീമതി Vസുജാത ഉദ്ഘാടനം ചെയ്തു.മെമ്പർ ശ്രീ.K ശശിധരൻ അധ്യക്ഷനായി. തൃത്താലAEO ശ്രീ.സിദ്ദിഖ് സാർ, BRC ട്രെയിനർ ശ്രീ.രാധാകൃഷ്ണൻ മാസ്റ്റർ, റിട്ട. ഹെഡ്മാസ്റ്റർ ശ്രീ.അബ്ദുൾ റഷീദ്, വിവിധ പാർട്ടി പ്രതിനിധികൾ തുടങ്ങിയവർ ചടങ്ങിന് ആശംസ നേർന്നു. പoനോത്സവത്തിൽ വിവിധ പരിപാടികളിലൂടെ കുട്ടികൾ അവരുടെ മികവുകൾ പങ്കുവച്ചു.മലയാളം, ഇംഗ്ലീഷ് സ്കിറ്റുകൾ, റോൾ പ്ലേ, നാടൻ പാട്ടുകൾ, എന്നിവ അതിൽ ചിലതാണ് കുട്ടികൾ തന്നെ വിവിധ പരീക്ഷണങ്ങൾ അവതരിപ്പിച്ച് തത്വങ്ങൾ വിശദീകരിച്ചത് കൗതുകമായി. ഏതു സംഖ്യ കൊടുത്താലും അതിന്റെ പ്രത്യേകതകൾ പറഞ്ഞ് അദ്വൈത് മാനവ്, അശ്വദേവ് എന്നിവർ രക്ഷിതാക്കളുടെ കൈയ്യടി നേടി. നാടൻ പച്ചക്കറികൾ മാത്രം വിൽപ്പനക്കു വച്ച കുട്ടിച്ചന്ത ശ്രദ്ധേയമായി. കുട്ടികൾ തന്നെയാണ് വിൽപ്പനക്കാരായത്. വിലപേശിയും കണക്ക് പറഞ്...
കൂടുതൽ‍ വായിക്കൂ

ഉല്ലസിച്ച് ഗണിത പഠനം...

ഇമേജ്
എല്ലാവരുടേയും പേടി സ്വപ്നമായ ഗണിതം ഇനി ഉല്ലാസത്തോടെ പഠിക്കാം. സമഗ്ര ശിക്ഷാ അഭിയാൻ നടപ്പിലാക്കുന്ന ഉല്ലാസ ഗണിതം പദ്ധതിക്ക് അരിക്കാട് ഗവൺമെന്റ് എൽപി സ്കൂളിൽ തുടക്കമായി. വാർഡ് മെമ്പർ ശ്രീ.ശശിധരൻ പദ്ധതി ഉദ്ഘാടനം ചെയ്തു. പതിവ് ഉദ്ഘാടന രീതികളിൽ നിന്ന് വിഭിന്നമായി വാർഡുമെമ്പറും ഹെഡ്മിസ്ട്രസും ഗെയിംബോർഡിൽ കളിച്ചു കൊണ്ടാണ് പദ്ധതിക്ക് തുടക്കം കുറിച്ചത്. ഗണിതത്തിലെ അടിസ്ഥാന ശേഷികൾ ഉറപ്പിക്കുന്നതിനായി വിവിധ കളികൾ, വർക്ക് ഷീറ്റുകൾ തുടങ്ങിയവ പ്രയോജനപ്പെടുത്തുന്നു. ഏതാണ്ട് മുപ്പത്തിനാലോളം കളികളും, പതിനഞ്ചോളം വർക്ക് ഷീറ്റുകളും ഉണ്ട്. അതിനാവശ്യമായ ഗെയിം ബോർഡുകൾ, ടോക്കണുകൾ,സംഖ്യാ കാർഡുകൾ ചിത്രകാർഡുകൾ, മുത്തുകൾ, പന്തുകൾ, ഡൈ സുകൾ തുടങ്ങിയവ അടങ്ങിയ ഗണിത കിറ്റുകൾ ഓരോ സ്കൂളിനും ലഭ്യമാക്കിയിട്ടുണ്ട്. ദിവസവും ഒരു മണിക്കൂർ വച്ച് അമ്പത് മണിക്കൂർ നീളുന്ന കൃത്യമായ മൊഡ്യൂൾ അടങ്ങിയ പാക്കേജാണ് ഉല്ലാസ ഗണിതം. കളി കൂടാതെ കഥ പറഞ്ഞുകൊണ്ട് ഗണിത പ്രശ്നങ്ങൾ പരിഹരിക്കുക എന്ന മറ്റൊരു തന്ത്രവും ഉല്ലാസ ഗണിതത്തിൽ പ്രയോജനപ്പെടുത്തുന്നുണ്ട് വിവിധ തരത്തിലുള്ള കളികളും കഥകളും ആയതു കാരണം കുട്ടികൾക്കിത് ഏറെ രസകരമാകും... ...
കൂടുതൽ‍ വായിക്കൂ