GLPS ARIKKAD

അരിക്കാട് എൽ.പി.സ്ക്കൂളിൽ ഓണാഘോഷവും ഓണസദ്യയും ആഘോഷപൂർവ്വം നടത്തി. ഒരു രക്ഷിതാവ് എന്ന നിലയിൽ സ്ഥലം എം.എൽ.എ., വി.ടി. ബൽറാമും ഇതിൽ പങ്കെടുത്തു.

ആഗസ്റ്റ് 25ന് സ്ക്കൂൾ കായികമേള നടന്നു. വളരെ ആവേശകരമായ ഈ മത്സരം ചിത്രങ്ങളിലൂടെ....

21-8-2017ന് അരിക്കാട് ജി.എൽ.പി. സ്ക്കൂളിലെ ശാസ്ത്രലാബ് കുമരനെല്ലൂർ ഗവ: ഹയർ സെക്കണ്ടറി സ്കൂളിലെ അധ്യാപകനായ ദിവാകരൻ മാസ്റ്റർ ഉദ്ഘാടനം ചെയ്തു. ഇതിന്റെ ഭാഗമായി  അദ്ദേഹം കുട്ടികളിൽ ശാസ്ത്രകൗതുകം വളർത്തുന്നതിനു വേണ്ടി ലഘു പരീക്ഷണങ്ങൾ അവതരിപ്പിക്കുകയും അവയുടെ ശാസ്ത്രതത്വങ്ങൾ വിശദീകരിക്കുകയും ചെയ്തു. ഇത് വളരെ രസകരവും വിജ്ഞാനപ്രദവും ആയിരുന്നു.

                                                                                                                                                            കടലാസും ഓലയും കൊണ്ട് പൂമ്പാറ്റയും പക്ഷിയും റോക്കറ്റും പമ്പരവും ഉണ്ടാക്കി ശ്രീ.സാമ്പൻറെ  നേ​തൃ​ ത്വ ​ ത്തി​ല്‍ നടന്ന ക്ലാസ്സ്  കുട്ടികളിൽ ഭാവന  വിടർത്തി.                                                  

പ്രതിജ്ഞ എനിക്കിഷ്ടപ്പെട്ട പുസ്തകം തിരഞ്ഞെടുക്കൽ അയൽപക്ക ഗ്രന്ഥശാല സന്ദർശനം സമ്മാനദാനം        ജൂൺ 19 മുതൽ വായനപക്ഷാചരണം ആരംഭിച്ചു . വിദ്യാലയത്തിലെ ലൈബ്രറി പുസ്തകങ്ങളുടെ പ്രദർശനം നടത്തി . ‘ എനിക്കിഷ്ടപ്പെട്ട പുസ്തകം’ തിരഞ്ഞെടുക്കാൻ അവസരം ഒരുക്കി . തുടർന്ന് വിവിധ മത്സരങ്ങൾ -‘ വായനാക്കുറിപ്പ്’ ,‘ തെറ്റില്ലാതെ എഴുതാം’ ,‘ മനോഹരമായിഎഴുതാം’ ,‘ ഉറക്കെ വായിക്കാം’ ,‘ ക്വിസ്സ്’ തുടങ്ങിയവ നടന്നു . അടുത്തുള്ള ഗ്രന്ഥശാല സന്ദർശിക്കുകയും പ്രവർത്തനങ്ങൾ മനസ്സിലാക്കുകയും ചെയ്തു . സമാപന ദിവസം സി . ആർ . സി . കോ ഓർഡിനേറ്റർ ശ്രി . സെയ്ദാലി മാസ്റ്റർ വിജയികൾക്ക് സമ്മാനവിതരണം നടത്തി .

                                        ജൂൺ 5 മുതൽ പരിസ്ഥിതി വാരാഘോഷമായി തന്നെ പരിസ്ഥിതി ക്ലബ്ബ് തങ്ങളുടെ പരിപാടികൾ ആരംഭിച്ചു. ബഹു.പഞ്ചായത്ത് മെമ്പർ ശ്രീ.ശശിധരൻ തൈനട്ടു ഉദ്ഘാടനം നിർവഹിച്ചു. പി.ടി.എ.പ്രസിഡൻറും അധ്യാപകരും കുട്ടികളും നാട്ടുപ്രമുഖരും തൈകൾ നട്ടു പങ്കാളികളായി. പരിസരശുചീകരണം,മഴക്കുഴി നിർമ്മാണം തുടങ്ങിയവയും ഇതിന്റെ ഭാഗമായി നടന്നു. ജൈവവൈവിധ്യ ഉദ്യാനം ഒരുക്കുന്നതിനും തുടക്കം കുറിച്ചു.

                                            2017-18 അധ്യായന വർഷത്തെ പട്ടിതതറ പഞ്ചായത്ത് തല പ്രവേശനോത്സവം ജൂൺ 1 ന് അരിക്കാട് ജി.എൽ.പി.സ്കൂളിൽ ഗംഭീരമായി നടന്നു.ബഹു.എം.എൽ.എ.ശ്രീ.വി.ടി.ബൽറാം ഉദ്ഘാടനം നിർവഹിച്ചു.പഞ്ചായത്ത് പ്രസിഡൻറ് ശ്രീമതി.സുജാത അധ്യക്ഷയായി.പനിനീർ പൂക്കളും ബലൂണുകളും നൽകിയാണ് പുതിയ പൂമ്പാറ്റകളെ ഈ അക്ഷര പൂന്തോട്ടത്തിലേക്ക് ആനയിച്ചത്.കുമരനല്ലൂർ സഹകരണ ബാങ്ക് നോട്ടുബുക്കും ഡി.വൈ.എഫ്.ഐ. വിത്തുകളും പി.ടി.എ.പഠനകിറ്റും വിതരണം ചെയ്തു.തുടർന്ന് മധുര വിതരണവും ഉണ്ടായി.നാട്ടുകാരുടെയും രക്ഷിതാക്കളുടെയും പങ്കാളിത്തത്തോടെ അന്നേ ദിവസം ഉത്സവാന്തരീക്ഷം തന്നെയായിരുന്നു.