പാലിയേറ്റീവ് കെയർ ദിനം
ജനുവരി പതിനഞ്ച് പാലിയേറ്റീവ് കെയർ ദിനത്തോടനുബന്ധിച്ച് അരിക്കാട് ഗവൺമെന്റ് എൽപി സ്കൂളിലെ കുട്ടികൾ ശേഖരിച്ച തുക, ആശ്രയ പാലിയേറ്റീവ് കെയർ വളണ്ടിയർ ശ്രീ.കെ.ശശിധരന് ,സ്കൂൾ ലീഡർ അർജുൻ.k Pകൈമാറി.
പോസ്റ്റുകള്‍
ഗണിതം മധുരം
അരിക്കാട് ഗവൺമെന്റ് എൽപി സ്കൂളിൽ ജനുവരി 25ന് ഗണിതപഠനോപകരണ നിർമാണ ശിൽപശാല നടന്നു.ബി ആർ സി ട്രെയിനർ സുമ ടീച്ചർ ശിൽപശാലക്ക് നേതൃത്വം നൽകി.വാർഡ് മെമ്പർ ശ്രീ.കെ.ശശിധരൻ ശിൽപശാല ഔദ്യോഗികമായി ഉദ്ഘാടനം ചെയ്തു. പിടിഎ പ്രസിഡന്റ്, എം പി ടി എ പ്രസിഡന്റ് എന്നിവർ ചടങ്ങിൽ സംബന്ധിച്ചു. പതിനഞ്ചോളം രക്ഷിതാക്കളുടെ സഹായത്തോടെ ഒന്നു മുതൽ നാലുവരെ ക്ലാസിൽ ഗണിതപഠനം രസകരമാക്കാൻ നിരവധി പഠനോപകരണങ്ങൾ നിർമിച്ചു.അരവിന്ദ് ഗുപ്ത സ്ട്രിപ്സ്, അരവിന്ദ് ഗുപ്ത ചാർട്ട്, വള ഗണിതം, ടെൻഫ്രെയിം, ഡോമിനോസ് തുടങ്ങിയവയാണ് പ്രധാനമായും ഉണ്ടാക്കിയത്.കൂടാതെ ഗണിത ക്രിയകൾ എളുപ്പത്തിൽ പഠിക്കാൻ പതിനഞ്ചോളം കളികളും പരിചയപ്പെടുത്തി.
റിപ്പബ്ലിക് ദിനാഘോഷം
അരിക്കാട് ഗവൺമെന്റ് സ്കൂളിൽ എഴുപതാം റിപ്പബ്ലിക് ദിനം സമുചിതമായി ആഘോഷിച്ചു. ഹെഡ്മിസ്ട്രസ് ശ്രീമതി.പി.ഗീത ടീച്ചർ പതാക ഉയർത്തി. വാർഡ് മെമ്പർ, PTAപ്രസിഡന്റ് എന്നിവർ ആശംസകൾ അറിയിച്ചു. കുട്ടികൾ ദേശഭക്തിഗാനം ആലപിച്ചു.അതിനു ശേഷം എല്ലാവർക്കും മധുരം നൽകി.
കവിതാ ശിൽപശാല
അരിക്കാട് ഗവൺമെന്റ് എൽപി സ്കൂളിൽ കവിതാ ശിൽപശാല നടത്തി. കക്കാട്ടിരി യുപി സ്കൂളിലെ ശ്രീ.പ്രകാശൻ മാസ്റ്ററാണ്. ശിൽപശാലക്ക് നേതൃത്വം നൽകിയത്.നാലാം ക്ലാസുകാർക്ക് കൂടുതൽ പ്രയോജനപ്രദമായ ക്ലാസാണ് അദ്ദേഹം നൽകിയത്. എല്ലാ കുട്ടികൾക്കും കുട്ടിക്കവിതകൾ ചൊല്ലാൻ അവസരം നൽകുകയും ചെയ്തു. സ്വതന്ത്രരചനക്ക് പ്രാധാന്യം നൽകിക്കൊണ്ട് കവിതാ പൂരണത്തിനുള്ള പ്രവർത്തനങ്ങൾ നൽകി. വളരെ രസകരമായ ക്ലാസ് കുട്ടികൾക്കെല്ലാം ഇഷ്ടപ്പെട്ടു.
മലയാളത്തിളക്കം
എട്ടു ദിവസം നീണ്ട പഠന പ്രവർത്തനങ്ങൾക്കു ശേഷം മലയാളത്തിളക്കത്തിന്റെ പ്രഖ്യാപനം നടന്നു.വാർഡ് മെമ്പർ ശ്രീ.കെ ശശിധരൻ മലയാളത്തിളക്കത്തിന്റെ പ്രഖ്യാപനം നിർവഹിച്ചു. ഒന്നു മുതൽ നാലുവരെ ക്ലാസിലെ എല്ലാ കുട്ടികളും വായനാ സാമഗ്രികൾ വായിച്ചു.ഒന്നാം ക്ലാസിലെ ഷാൻ മുഹമ്മദ്, മുഹമ്മദ് ഷഹാൻ എന്നിവർ അന്നത്തെ പത്രം വായിച്ചത് ഏറെ ശ്രദ്ധേയമായി. പി ടി എ പ്രസിഡന്റും രക്ഷിതാക്കളും ചടങ്ങിൽ പങ്കാളികളായി.
ക്രിസ്തുമസ്
ക്രിസ്തുമസ് ആഘോഷത്തിന്റെ ഭാഗമായി കുട്ടികൾ പരസ്പരം ആശംസാ കാർഡുകൾ കൈമാറി. എല്ലാ കുട്ടികൾക്കും വെജിറ്റബിൾ ബിരിയാണി നൽകി.
പുതുവർഷത്തിലേക്ക്‌.....
2019 നെ വരവേറ്റുകൊണ്ട് അരിക്കാട് ഗവൺമെന്റ് സ്കൂളിൽ പുതുവർഷാഘോഷം നടന്നു. PTAപ്രസിഡൻറ് ശ്രീ.എം സെയ്ദലവി, SMC ചെയർമാൻ ശ്രീ.കൃഷ്ണൻOKM, വാർഡ് മെമ്പർ ശ്രീ കെ.ശശിധരൻ എന്നിവരുടെ വകയായി എല്ലാ കുട്ടികൾക്കും കേക്ക് നൽകി. വാർഡ് മെമ്പറും രക്ഷിതാവുമായ ശ്രീ ശശിധരൻ കേക്ക് മുറിച്ചു. അസംബ്ലിയിൽ അദ്ദേഹം പുതുവർഷ സന്ദേശം നൽകി.HM ശ്രീമതി ഗീത ടീച്ചർ, മറ്റ് അധ്യാപകർ എന്നിവർ പുതുവർഷ ആശംസകൾ നേർന്നു. കുട്ടികൾ പരസ്പരം സമ്മാനങ്ങളും ആശംസാ കാർഡുകളും കൈമാറി.
ഭിന്നശേഷി ദിനാചരണം
ലോക ഭിന്നശേഷി ദിനത്തോടനുബന്ധിച്ച് അരിക്കാട് സ്കൂളിലെ പാർട്ട് ടൈം ജീവനക്കാരനായ ശ്രീ.റഷീദിനെ ആദരിച്ചു. അധ്യാപകർ അദ്ദേഹത്തിന് സ്നേഹോപഹാരം നൽകി. കുട്ടികൾ ചിത്രങ്ങളും പൂക്കളുമെല്ലാം അദ്ദേഹത്തിന് സമ്മാനമായി നൽകി.