പത്തിലക്കറി

കർക്കിടക മാസത്തിൽ ആരോഗ്യ സംരക്ഷണത്തിന് ഉണ്ടാക്കുന്ന ഒരു കറിയാണ് പത്തിലക്കറി. ഇലക്കറികൾ രോഗ പ്രതിരോധശേഷി വർധിപ്പിക്കാൻ സഹായിക്കുന്നു. സ്കൂൾ ഉച്ചഭക്ഷണത്തിൽ ആഴ്ചയിൽ ഒരുദിവസം ഇലക്കറി ഉൾപ്പെടുത്താറുണ്ട്. കർക്കിടക മാസത്തിന്റെ പ്രധാന്യം ഉൾക്കൊണ്ട് പത്തിലക്കറി സ്കൂളിൽ ഉണ്ടാക്കി. കുട്ടികളോട് മുൻകൂട്ടി പറഞ്ഞതനുസരിച്ച് അവർ അവരുടെ വീട്ടിലുള്ള ഇലകൾ കൊണ്ടുവരുകയും സ്കൂളിൽ പാകം ചെയ്ത് നൽകുകയും ചെയ്തു. മത്തൻ, കുമ്പളം, പയർ, ചീര, തകര, തഴുതാമ, മുള്ളൻ ചീര, മണിത്തക്കാളിയില, തൂവ, ചേന തുടങ്ങി പ്രാദേശിക ലഭ്യതക്കനുസരിച്ചാണ് ഇലകൾ ഉപയോഗിച്ചത്.